Toshkent tibbiyot akademiyasida Jamoat salomatligi va menejment kafedrasida “Аvitsenna izdoshlari” III Xalqaro onlayn olimpiada boʼlib o»tdi.
Olimpiada mamlakatimizda istiqbolli yoshlarni qoʼllab-quvvatlash, ularning iqtidorini roʼyobga chiqarish, ilm egallashga boʼlgan ishtiyoqi va intellektual salohiyatini oshirish, ilmiy-tadqiqot va innovatsion faoliyatini samarali yoʼlga qoʼyish, shuningdek xalqaro maydonda mamlakatimizning nufuzini yanada yuksaltirish uchun iqtidorli yoshlarni aniqlash va yuqori malakali kadrlar tayyorlashning uzluksiz tizimini takomillashtirish maqsadida tashkil etildi. Ushbu olimpiadada 1700 dan ortiq talaba ishtirok etib, ulardan 662 nafari xorijiy talabalardir.
