2023-yilning 4-5-may kunlari “Ostona tibbiyot universiteti” “Juzden zhuyrik – Primus inter pares – tenglar orasida birinchi” – 2023 yil talabalari uchun xalqaro olimpiada boʻlib oʻtdi. Olimpiadada Qozog‘istonning tibbiyot oliy o‘quv yurtlari bilan bir qatorda Rossiya, O‘zbekiston, Qirg‘iziston va Tojikiston talabalari ham ishtirok etishdi. Toshkent tibbiyot akademiyasi Jamoat salomatligi va menejment kafedrasidan Oliy hamshiralik ishi fakulteti 3-kurs talabasi Umarova Fotima va menejment fakulteti 2-kurs talabasi Madiyarova Farinalar yuborildi. «Gigiena, epidemiologiya va aholi salomatligi» bo’limi maqsadi – talabalarning kasbiy, shaxsiy, ijodiy qobiliyatlarini ochib berish, shuningdek, sog’liqni saqlash sohasida kelajak kasbiga hurmat tuyg’usini shakllantirish. Olimpiada 2 bosqichda o‘tkazildi:
I bosqich: Salomlashish va jamoa bilan tanishish, uy vazifasini taqdim etish – (oldindan tayyorlangan video mumkin).
II bosqich: 4 bosqichli amaliy topshiriqni bajarish: vaziyatli masalalarni yechish va stansiyalar uchun amaliy topshiriqlarni bajarish.
Talabalarimiz o’zlarining eng yaxshi tomonlarini ko’rsatishdi, savollarga faol javob berishdi. Ishtirokchilarning ishi va javoblari “Ostona tibbiyot universiteti” tomonidan tasdiqlangan ball tizimi bo‘yicha hakamlar hay’ati tomonidan baholandi.
Olimpiada natijalariga ko‘ra Toshkent tibbiyot akademiyasi Oliy hamshiralik ishi fakulteti 3-bosqich talabasi Umarova Fotima II darajali Diplom bilan va “Menejment” fakulteti 2-kurs talabasi Madiyarova Farina III darajali Diplom bilan taqdirlandi, ularga pul mukofotlari ham topshirildi. Kafedra mudiri boshchiligidagi “Jamoat salomatligi va menejment” kafedrasi talabalarimizni erishgan yuksak marralari bilan tabriklab, kelgusida bundanda katta muvaffaqiyatlar tiladi.
