Tashkilotchilar: Jamoat salomatligi va menejment kafedrasi a’zolari.
Qatnashchilar: Jamoat salomatligi va menejment kafedrasi mudiri: G.K. Xudaykulova, dotsentlar: Sh.D. Karimbayev, katta o’qituvchilar:M.M. Muyassarova, Sh.A. Abdurashidova, M.M. Ilyasova, asisstentlar: N.A. Sadirxadjayeva, Sh. R. Atabekova, L. I Shayxova, G. H. Naimova, R. A. Kazakova, Jurayeva N.K., Mirxamidova S.M. Menejment, Tibbiy Biologiya, Biomuhandislik va OMH fakulteti talabalari.
Milliy qadriyatlar – bu ajdodlarimizdan meros bo‘lib kelayotgan madaniy boylik, axloqiy me’yorlar, urf-odatlar va an’analar majmuasi. Ular xalqimizning tarixi, turmush tarzi va ma’naviyati bilan chambarchas bog‘liq bo‘lib, har bir insonning shaxsiyati va dunyoqarashini shakllantirishda muhim rol o‘ynaydi. Mehr-oqibat, hurmat, odob-axloq, kattalarga hurmat, kichiklarga izzat kabi qadriyatlar bizning jamiyatimizning negizidir. Milliy musiqa, raqs, adabiyot va hunarmandchilik xalqimizning boy merosi sifatida qadrlanadi. Hozirgi kunda milliy liboslar zamonaviy uslubda qayta tiklanib, modaga moslashtirilmoqda. Dizaynerlar milliy qadriyatlarni saqlagan holda, atlas va adras matolaridan ishlangan liboslarni kundalik hayotda kiyish mumkin bo‘ladigan shaklda taklif qilishmoqda
Ona tilimiz, milliy taomlarimiz, an’anaviy kiyinish madaniyati bizning milliy o‘zligimizni belgilaydi. O‘zbek xalqi doimo mehmondo‘stligi bilan tanilgan, bu qadriyat bugungi kunda ham saqlanib qolmoqda.Yosh avlodni milliy ruhda tarbiyalash. G‘arb ta’siridan himoyalanish va milliy o‘ziga xoslikni yo‘qotmaslik. Madaniy merosni asrab-avaylash va kelajak avlodlarga yetkazish. Milliy an’analar har bir xalqning tarixi va madaniyatining ajralmas qismi bo‘lib, ular asrlar davomida shakllangan va avloddan-avlodga yetkazib kelinmoqda. O‘zbek xalqining milliy an’analari insoniylik, odob-axloq va ezgulik tamoyillariga asoslangan. Milliy liboslar bejizga kashtachilik, zardo‘zlik, atlas va adras to‘qish san’ati bilan uyg‘unlashgan emas. Ushbu hunarmandchilik turlari qadimdan o‘zbek xalqining mehnatsevarligi va san’atga bo‘lgan mehrini aks ettirgan. Milliy qadriyatlarni saqlash maqsadida hozirgi kunda ham “Xon atlas”, “Adras festivali”, “Milliy liboslar kuni” kabi tadbirlar o‘tkazilib, yosh avlodga milliy liboslar targ‘ib qilinmoqda.
Milliy libos – xalqning madaniyati, urf-odatlari va qadriyatlarining yorqin ifodasi. U insonning nafaqat tashqi ko‘rinishini, balki uning ichki dunyosini ham aks ettiradi. O‘zbek milliy liboslari ajdodlarimizning hayot tarzi, ma’naviyati va estetik didini namoyon etuvchi boy merosdir. Ularning shakllanishida asrlar davomida xalqning qadriyatlari va an’analari o‘z aksini topgan. Milliy qadriyatlarni saqlash uchun milliy liboslarimizni unutmasligimiz kerak. Har bir milliy libos o‘zida xalqimizning madaniy merosini aks ettiradi. Biz ularni kiyibgina qolmay, balki yosh avlodga ularning ma’nosini tushuntirish orqali ham qadriyatlarimizni saqlashga hissa qo‘shishimiz mumkin. Milliy libos va milliy qadriyatlar bir-biri bilan chambarchas bog‘liq. Agar biz milliy liboslarimizni qadrlasak, milliy qadriyatlarimizni ham asrab-avaylaymiz. Bu esa milliy o‘zligimizni saqlash va ajdodlarimizdan qolgan boy madaniy merosni kelajak avlodga yetkazishning eng yaxshi yo‘llaridan biridir.
Bugungi kunda milliy liboslar nafaqat bayram va tantanalarda, balki kundalik hayotda ham tobora ommalashib bormoqda. Dizaynerlar an’anaviy kiyimlarni zamonaviy uslubda qayta ishlab, milliy urf-odatlarimizni modaga aylantirishmoqda. Xalqaro maydonlarda ham milliy liboslar bizning madaniy merosimizni targ‘ib qilishda muhim rol o‘ynaydi. Milliy libos inson qiyofasini yanada chiroyli va go‘zal ko‘rsatadigan, millat madaniyatini aks ettiradigan beqiyos boylikdir. Uni kiyib yurish – nafaqat estetik zavq, balki milliy o‘ziga xoslikni asrab-avaylash va unga hurmat bajo keltirishdir.